Մոլդովայի որոշումն անպատասխան չի մնա․ Զախարովա

Մոլդովայի միանալը ԵՄ-ի հակառուսաստանյան պատժամիջոցներին դիտարկում ենք որպես Մոլդովայի ղեկավարության հերթական թշնամական քայլը, որն ամբողջությամբ ինտեգրվել  է «կոլեկտիվ Արևմուտքի» հակառուսաստանյան արշավին։ Դրա նպատակը ռուս-մոլդավական հարաբերությունների լիակատար ոչնչացումն է, որոնք պաշտոնական Քիշնևի մեղքով արդեն շատ անմխիթար վիճակում են։ Այս մասին ասվում է  ՌԴ ԱԳՆ պաշտոնական ներկայացուցիչ Մարիա  Զախարովայի հայտարարության մեջ։

«Մոլդովայի ղեկավարության նման ապակառուցողական ուղղությունը հազիվ թե համապատասխանում է երկրի բնակիչների շահերին, որոնք ճնշող մեծամասնությամբ բարեկամորեն են տրամադրված Ռուսաստանի նկատմամբ և շահագրգռված են բազմակողմ երկկողմ համագործակցության պահպանմամբ և զարգացմամբ։

Մոլդովական կողմի որոշումն անպատասխան չի մնա։ Ձեռնարկված միջոցառումների մասին լրացուցիչ կտեղեկացվի»,– ասել է նա։