Իսրայելն ազատ է արձակել 39 պաղեստինցի բանտարկյալի՝ 24 ազատագրված պատանդի դիմաց

Քաթարի արտաքին գործերի նախարարության խոսնակ Մաջիդ ալ Անսարին հայտնել է, որ, ինչպես սպասվում էր, հումանիտար դադարի շրջանակներում Իսրայելից 39 պաղեստինցի բանտարկյալ ազատ է արձակվել։

Նոյեմբերի 24-ը ՀԱՄԱՍ-ի և Իսրայելի միջև հրադադարի առաջին օրն էր։

«Մենք հաստատում ենք 39 կանանց և երեխաների ազատ արձակումը»,- գրել է ալ-Անսարին X սոցիալական ցանցի իր էջում։

Իր հերթին Կարմիր Խաչի միջազգային կոմիտեի աշխատակիցները Գազայի հատվածում ընդունել են պատանդ վերցված 24 քաղաքացիական անձանց։