Կիմ Չեն Ընը լրտեսական արբանյակով վերահսկել է ԱՄՆ ռազմաբազաները

Հյուսիսային Կորեայի առաջնորդ Կիմ Չեն Ընը ուսումնասիրել է հետախուզական արբանյակով արված լուսանկարները, որոնք ցույց են տալիս ամերիկյան միջուկային էներգիայով աշխատող ավիակիր Կարլ Վինսոնը Հարավային Կորեայի Բուսանում և Հավայան կղզիների ռազմաբազաները: Այս մասին հայտնում է Կորեայի կենտրոնական լրատվական գործակալությունը։

Կիմ Չեն Ինը շաբաթ օրը կրկին այցելել է տիեզերական կենտրոն։ Նրան ցուցադրվել են «թշնամու տարածքում կարևոր թիրախների» լուսանկարները, այդ թվում՝ Հարավային Կորեայի տարածքում` Գանգնեունգում, Բուսանում, Պոհանգում, Դաեգում և Ուլսանում: Այս լուսանկարներն արվել են նոյեմբերի 25-ին՝ տեղական ժամանակով 09:59-10:02-ը (Երտևանի ժամանակով՝ 04:59 - 05:02): «10:01:10-ին հետախուզական արբանյակի կողմից արված լուսանկարում երևում է նաև ԱՄՆ ռազմածովային ուժերի ատոմային էներգիայով աշխատող ավիակիր Կարլ Վինսոնը ռազմական նավահանգստում, որը գտնվում է Բուսանի Ռյոնգո թաղամասում», - հաղորդում է գործակալությունը:

Կիմ Չեն Ինը «գովել է օդատիեզերական տեխնոլոգիաների պետական ​​գլխավոր վարչության աշխատակիցների ջանքերը»։ Մասնագետները ղեկավարին զեկուցել են նաև արբանյակի հետախուզական առաքելությունների «պաշտոնական մեկնարկի» նախապատրաստման մասին։

Ավելի վաղ հայտնի էր դարձել, որ արբանյակն ամբողջությամբ կսկսի իր առաջադրանքները կատարել դեկտեմբերի 1-ին մոտակայքում՝ տեղադրման ժամանակաշրջանից հետո։