Լիտվայի, Լատվիայի և Լեհաստանի նախագահները հրաժարվել են լուսանկարվել Լուկաշենկոյի ներկայության պատճառով

Լիտվայի նախագահ Գիտանաս Նաուսեդան, ինչպես նաև Լատվիայի և Լեհաստանի ղեկավարներ Էդգարս Ռինկևիչն ու Անջեյ Դուդան հրաժարվել են լուսանկարվել Դուբայում ՄԱԿ-ի կլիմայի փոփոխության մասին շրջանակային կոնվենցիայի կողմերի 28-րդ համաժողովին (COP-28) մասնակցող երկրների ղեկավարների հետ՝ Ալեքսանդր Լուկաշենկոյի մասնակցության պատճառով, հայտնում է LRT-ն։

«Դա կոչվում է ընտանեկան լուսանկար: Լուկաշենկոն չի պատկանում այն ​​ընտանիքին, որին մենք ցանկանում ենք պատկանել»,- ասել է Լիտվայի նախագահը։

Նա հավելել է, որ կեղծավորություն կլինի կանգնել Լուկաշենկոյի կողքին և քննարկել աշխարհի ապագան ու կլիմայի փոփոխությունը, կարծես ոչինչ չի եղել։