Ուկրաինացի նախկին պատգամավորին մահացած են գտել Մոսկվայի մարզում

Մոսկվայի մարզում հայտնաբերվել է Գերագույն Ռադայի նախկին պատգամավոր Իլյա Կիվայի դին։ Այս մասին չորեքշաբթի՝ դեկտեմբերի 6-ին, իր տելեգրամյան ալիքում հայտնել է РЕН ТВ-ն։

Հաղորդվում է, որ 2022 թվականի հունվարի 30-ին Կիվան լքել էր Ուկրաինան՝ տեղափոխվելով Ալիկանտե (Իսպանիա), որտեղից էլ՝ Մոսկվա։

 2023 թվականի մարտին Իլյա Կիվային զրկել էին մանդատից՝ Գերագույն Ռադայի նիստի քվեարկության արդյունքներով։ Ուկրաինայի գլխավոր դատախազությունը պատգամավորին մեղադրել էր պետական ​​դավաճանության և հայրենիքին վնաս պատճառելու մեջ։ Նա աջակցել էր Ռուսաստանի հատուկ ռազմական գործողությանը և բազմիցս քննադատել իր երկրի իշխանություններին։