Իրանի նախագահը կոչ է արել դադարեցնել Գազայի հատվածի ռմբակոծումը
Իրան
Անհրաժեշտ է հնարավորինս շուտ գտնել Իսրայելի և Պաղեստինի միջև հակամարտության խաղաղ լուծումը, Գազայի ռմբակոծումը պետք է դադարեցվի։ Այսպիսի հայտարարություն է արել Իրանի նախագահ Էբրահիմ Ռաիսին Մոսկվայում ՌԴ նախագահ Վլադիմիր Պուտինի հետ բանակցությունների ժամանակ, փոխանցում է ՌԻԱ Նովոստին։
«[Գազայի հատվածի] ռմբակոծությունը պետք է հնարավորինս շուտ դադարեցվի։ Այս հարցը միայն մեր տարածաշրջանի խնդիր չէ, այն ամբողջ մարդկության խնդիրն է։ Ուստի այս հարցին պետք է շատ արագ լուծում գտնել»,- Կրեմլում հայտարարել է Իրանի նախագահը։
Ռաիսին ընդգծել է, որ հրեական պետության գործողությունների պատճառով պաղեստինցի երեխաների կորուստը ցավալի է։ Նրա խոսքով՝ բարդ էմոցիաներ է առաջացնում նաև այն, որ ԱՄՆ-ն է աջակցում Իսրայելին։
«Միջազգային կազմակերպությունները, այն կազմակերպությունները, որոնք պետք է պաշտպանեն մարդու իրավունքները, կորցրել են իրենց արդյունավետությունը։ Դա տեղի է ունենում ողջ համաշխարհային հանրության առջև»,- հավելել է Ռաիսին։
Ամենադիտված 
Մնաս բարյավ. Րաֆֆի Հովհաննիսյան
