Կրեմլում հայտարարել են Պուտինի շուրջ ռուսների համախմբման մասին

ՌԴ նախագահի մամուլի քարտուղար Դմիտրի Պեսկովը «Россия 1» հեռուստաալիքի եթերում ասել է, որ ռուսները համախմբվել են Վլադիմիր Պուտինի շուրջ և չեն ցանկանում լռել նրան աջակցելու ցանկության մասին։

«Մարդիկ համախմբվել են իրենց նախագահի շուրջ և չեն ցանկանում լռել իրենց զգացմունքների, նախագահին աջակցելու ցանկության մասին։ Նրանք խոսում են այդ մասին, գրում են այդ մասին»,- ասել է Կրեմլի խոսնակը։

Ըստ Պեսկովի՝ սա մի բան է, որը նախկին «ուղիղ գծերի» ժամանակ չի եղել։

Նշենք, որ դեկտեմբերի 14–ին ՌԴ նախագահ Վլադիմիր Պուտինը համակցված «ուղիղ գծի» և ամփոփիչ ասուլիսի ձևաչափով կամփոփի տարվա արդյունքները։