Հռոմի պապը ՌԴ–ին և Ուկրաինային առաջարկել է մինչև Սուրբ Ծնունդը հրադադար հաստատել

Հռոմի պապ Ֆրանցիսկոսն առաջարկել է հրադադար հաստատել Ուկրաինայի պատերազմական գոտում դեկտեմբերի 25-ին կաթոլիկ Սուրբ Ծննդյան տոնակատարության ժամանակ, ՏԱՍՍ-ին ասել է Լեոնիդ Սևաստյանովը՝ վկայակոչելով պապի հետ անձնական զրույցը։

«Հռոմի պապը հուսով է, որ հրադադարը կսկսվի մինչև դեկտեմբերի 25-ը, սա է նրա հիմնական կոչը տարվա մնացած մասի համար: Նա կոչ է անում, որ առնվազն հրադադար սկսվի մինչև դեկտեմբերի 25-ը, որպեսզի երկու կողմերը դադարեցնեն կրակոցները: Իսկ առավելագույն ծրագիրը, որպեսզի խաղաղության բանակցություններ սկսվեն»,- ասել է Սևաստյանովը։

Նրա խոսքով՝ պոնտիֆիկոսը կոչ է անում խաղաղ բանակցություններ սկսել, որոնց ժամանակ կողմերը կկարողանան քննարկել փոխադարձ պահանջները և դրանց լուծման ուղիները։