Ուկրաինան միայն մեկ թշնամի ունի. Զելենսկի
Աշխարհ
«2023 թվականի ընթացքում ռուսական բանակը չկարողացավ գրավել ոչ մի ուկրաինական գյուղ»։ Այս մասին ամերիկյան Fox News հեռուստաալիքին տված հարցազրույցում հայտարարել է Ուկրաինայի նախագահ Վոլոդիմիր Զելենսկին։
«Կարծում եմ, որ մեզ համար շատ դժվար էր դա անել, բայց ամենակարևորը հասկանալն այն է, որ Ռուսաստանը այս տարվա ընթացքում ոչ մի ուկրաինական գյուղ չի օկուպացրել»,- ասել է նա։
Զելենսկու խոսքով՝ Ուկրաինան միայն մեկ թշնամի ունի՝ Պուտինը։
«Մենք միայն մեկ թշնամի ունենք՝ Պուտինը։ Այսքանը։ Մենք իսկապես պաշտպանում ենք ժողովրդավարությունը, մենք իսկապես պաշտպանում ենք ազատությունը»,- հավելել է Զելենսկին։ Նա համոզմունք է հայտնել, որ այժմ շատ կարևոր է շարունակել աջակցել Ուկրաինային և ժամանակ չկորցնել այս հարցում։
«Կարծում եմ՝ շատ կարևոր է ժամանակ չկորցնել և շատ կարևոր է աջակցել Ուկրաինային։ Մենք իրական հաջողություններ ցույց տվեցինք Սև ծովում՝ դա շատ բարդ գործողություն էր ռուսական զորքերի դեմ, և մենք հիմա հացահատիկային միջանցք ենք ստեղծել։ Ռուսաստանը որևէ ազդեցություն չունի հացահատիկային այս միջանցքի վրա, և մենք ոչնչացրել ենք ռուսական նավատորմի մեծ մասը, որը գտնվում էր մեր ջրերում և մեր ժամանակավոր օկուպացված Ղրիմի մոտ։ Կարծում եմ՝ սա հսկայական արդյունք է»,- հավելել է Զելենսկին:
Ամենադիտված 
Մնաս բարյավ. Րաֆֆի Հովհաննիսյան
