Իսրայելցի զինվորները պատահաբար սպանել են պատանդներին՝ նրանց շփոթելով պաղեստինցիների հետ

Իսրայելի պաշտպանության բանակը հայտնել է, որ իսրայելցի զինվորները պատահմամբ երեք պատանդների են սպանել։

Իսրայելի պաշտպանության բանակի մամուլի ծառայության փոխանցմամբ՝ Շեջայա գյուղում մարտի ժամանակ Իսրայելի պաշտպանության բանակի զինվորները գնդակահարել են երեք մարդու՝ շփոթելով նրանց հակառակորդի զինվորների հետ։

Ավելի ուշ, երբ ուսումնասիրում էին մահացածների մարմինները, իսրայելցի զինվորականներն սկսել են կասկածել, որ զոհերը պաղեստինցիներ չեն։ Դիակները փորձաքննության համար տեղափոխվել են Իսրայելի տարածք։

Պարզվել է, որ երեք մահացածներն էլ իսրայելցի պատանդներ են եղել։ 

Իսրայելի պաշտպանության բանակի և Իսրայելի ոստիկանության ներկայացուցիչներն սկսել են ողբերգական միջադեպի հետաքննությունը։