Պուտինն առաջիկա ընտրություններում կառաջադրվի որպես անկախ թեկնածու

Ռուսաստանի նախագահ Վլադիմիր Պուտինը 2024 թվականին կառաջադրվի պետության ղեկավարի պաշտոնում որպես անկախ թեկնածու։ Այս մասին հայտարարել է «Արդար Ռուսաստան» կուսակցության առաջնորդ Սերգեյ Միրոնովը՝ պետության ղեկավարի պաշտոնում Պուտինին առաջադրելու նախաձեռնող խմբի նիստի շրջանակներում։

«Այսօր կազմկոմիտեի նիստում կհայտարարվի, որ նա ոչ մի կուսակցությունից հանդես չի գալու՝ ո՛չ «Եդինայա Ռոսիա»-ից, ո՛չ մեր կուսակցությունից, նա ստորագրահավաք է իրականացնելու»,- ասել է Միրոնովը։

«Եդինայա Ռոսիայի» գլխավոր խորհրդի քարտուղար Անդրեյ Տուրչակն իր հերթին լրագրողներին ասել է, որ Պուտինի շտաբը կձևավորվի այն բանից հետո, երբ ավարտվեն նրա ինքնառաջադրման բոլոր ընթացակարգերը։