Սերբիայում մեկնարկել են արտահերթ խորհրդարանական ընտրությունները

Սերբիայում մեկնարկել են արտահերթ խորհրդարանական ընտրությունները: Քվեարկությունը կտևի մինչև ժամը 20:00-ն (Երևանի ժամանակով 23:00-ն):

Ընտրությունների ֆավորիտը «Ալեքսանդր Վուչիչ-Սերբիան չպետք է կանգ առնի» կոալիցիան է, որը ձևավորվել է Սերբական առաջադիմական կուսակցության շուրջ։ 

Կոալիցիայի ծրագիրն ուղղված է տնտեսության հետագա ամրապնդմանը։ Առաջնահերթությունների թվում են անկախ քաղաքական կուրսի պահպանումը, ռազմական ներուժի և անվտանգության ամրապնդումը։ Ծրագրի արտաքին քաղաքական մասը մատնանշում է ԵՄ-ի հետ հարաբերությունների հետագա զարգացում (անդամակցության շուրջ բանակցությունները շարունակվում են 2014թ.-ից) և ՆԱՏՕ-ի հետ համագործակցություն, սակայն առանց որևէ ռազմական բլոկի միանալու։