Հնագետները հայտնաբերել են հին հռոմեական մարտիկի շքեղ տուն՝ յուրահատուկ խճանկարով

Հնագետները հայտնաբերել են հռոմեական շքեղ տուն՝ խեցիներից, մարմարից և թանկարժեք ապակուց հսկայական խճանկարով։ Այս մասին հայտնում է Arkeonews-ը։

Իտալիայի մշակույթի նախարարության հայտարարության համաձայն՝ շենքը, որը թվագրվում է ուշ հանրապետական ​​ժամանակաշրջանին, կառուցվել է առնվազն երեք փուլով՝ մ.թ.ա. առաջին դարի վերջին: Բակում կար այգի, իսկ գլխավոր սենյակում՝ ամառային բանկետների սրահ։ Դահլիճի պատերի մեջ կապարե խողովակներից ջուր է հոսել՝ կազմելով վարագույր։ Հնագետները նաև հարակից ընդունելության սենյակում հայտնաբերել են ամենաբարձր որակի սպիտակ սվաղ:

Այս տունը յուրահատուկ է դարձնում պատի խճանկարը, որը նմանը չունի պատկերված տեսարանների բարդության մեջ։ Այն պատրաստված է ծովային խեցիներից, եգիպտական ​​կապույտ խճանկարներից, թանկարժեք ապակուց, մարմարի բեկորներից և գունավոր քարերից։ Տան տերը, հավանաբար, բարձրաստիճան ազնվական կամ զինվորական է եղել։