ԱՄՆ-ն կհայտարարի Ուկրաինային ռազմական օգնության վերջին փաթեթի մասին

ԱՄՆ-ն դեկտեմբերի վերջին կհայտարարի Ուկրաինային հատկացվելիք օգնության նոր փաթեթի մասին, որը վերջինը կլինի Կիևի համար ամերիկացիների կողմից։ Այս մասին հայտարարել է Սպիտակ տան ռազմավարական հաղորդակցությունների համակարգող Ջոն Քիրբին, փոխանցում է «ՌԻԱ Նովոստին»։

«Մենք դեռևս ծրագրում ենք օգնության մեկ փաթեթ Ուկրաինայի համար այս ամսվա վերջին», - ասել է Քիրբին՝ հավելելով, որ օգնության փաթեթը տրամադրելուց հետո ԱՄՆ-ն այլևս միջոցներ չի ունենա Ուկրաինային աջակցելու համար:

Սպիտակ տան ներկայացուցիչը հավելել է, որ առանց ԱՄՆ Կոնգրեսի՝ Ուկրաինային աջակցելու համար նոր միջոցներ հատկացնելու վերաբերյալ որոշման, Վաշինգտոնն այլևս հասանելի ռեսուրսներ չի ունենա Կիևին աջակցելու համար։