Արևմուտքը ԽՍՀՄ-ի փլուզումից անմիջապես հետո սկսեց աշխատել «հինգերորդ շարասյան» հետ. Պուտին
Աշխարհ
Արևմտյան երկրները Խորհրդային Միության փլուզումից անմիջապես հետո սկսեցին ակտիվորեն աշխատել Ռուսաստանում «հինգերորդ շարասյան» հետ՝ փորձելով իրենց կողմ քաշել հետխորհրդային տարածքում ձևավորված պետությունները։ Այս մասին դեկտեմբերի 19-ին պաշտպանության նախարարության կոլեգիայի ընդլայնված նիստում հայտարարել է ՌԴ նախագահ Վլադիմիր Պուտինը։
«ԽՍՀՄ-ի փլուզումից անմիջապես հետո Արևմուտքը սկսեց ամենաակտիվ կերպով աշխատել նաև Ռուսաստանում մեր «հինգերորդ շարասյան հետ»։ Հակառակորդը գիտեր, թե ում հետ պետք է աշխատի»,- ասել է Պուտինը, փոխանցում է «ՌԻԱ Նովոստի»-ն։
Բացի այդ, Արևմուտքը, Ռուսաստանին ոչնչացնելու համար, ակտիվորեն աշխատել է ահաբեկչական կազմակերպությունների, այդ թվում՝ միջազգայինների և անջատողականների հետ, նշել է ՌԴ նախագահը։ «Զուգահեռաբար, [Արևմուտքը] ոչ պակաս ակտիվորեն գործեց հետխորհրդային տարածքում՝ իրենց կողմ քաշելով նորաստեղծ անկախ պետությունները՝ ԽՍՀՄ նախկին հանրապետությունները», - ասել է Պուտինը՝ հավելելով, որ նույնիսկ ԽՍՀՄ փլուզումից առաջ թշնամին հատուկ ուշադրություն է դարձրել Ուկրաինային։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
