ԱՀԿ-ն հայտնել է կորոնավիրուսի նոր արագ տարածվող շտամի մասին

Առողջապահության համաշխարհային կազմակերպությունը կորոնավիրուսի Omicron JN.1 ենթատեսակը դասակարգել է որպես անհանգստացնող տեսակ՝ դրա արագ տարածման պատճառով, հայտնում է BBC-ն։

Նշվում է, որ այս ենթատեսակով վարակվելու դեպքեր են գրանցվել աշխարհի շատ երկրներում, այդ թվում՝ Հնդկաստանում, Չինաստանում և ԱՄՆ-ում։

ԱՀԿ-ի տվյալներով՝ JN.1-ից մարդկանց համար վտանգը ներկայումս ցածր է, քանի որ ամբողջ աշխարհում առկա պատվաստանյութերը պաշտպանում են դրանից:

Միաժամանակ, կազմակերպությունը զգուշացնում է, որ ձմռանը COVID-19-ով և այլ վիրուսներով վարակվելու դեպքերը կարող են աճել։