Որն է 2023 թվականի «տարվա երկիրը»՝ ըստ The Economist-ի

Հունաստանը դարձել է տարվա երկիր՝ ըստ բրիտանական The Economist ամսագրի՝ տնտեսական ճգնաժամի հաղթահարման և եվրոպամետ քաղաքականության համար։

«Մեր հաղթողը Հունաստանն է։ Տասը տարի առաջ նա կաթվածահար եղավ պարտքային ճգնաժամի պատճառով և ծաղրի ենթարկվեց Ուոլ Սթրիթում: Եկամուտներն ընկան, և աջ ու ձախ ծայրահեղական կուսակցությունները ծաղկեցին քաղաքականության մեջ։ Բայց տարիներ շարունակ ցավոտ վերակազմավորումից հետո Հունաստանը գլխավորեց աշխարհի ամենահարուստ տնտեսությունների մեր ամենամյա ցուցակը 2023 թվականին: Նրա աջ կենտրոնամետ կառավարությունը վերընտրվեց հունիսին, իսկ նրա արտաքին քաղաքականությունը ամերիկամետ է, եվրոպամետ և զգուշավոր՝ Ռուսաստանի հանդեպ»,- գրում է հրատարակությունը։

The Economist-ը կարևորում է նաև Լեհաստանի ու Բրազիլիայի դերը։ Նրանց տնտեսությունը գոյատևեց՝ չնայած ուկրաինական կոնֆլիկտի ֆոնին փախստականների հոսքին։ Բացի այդ, Լեհաստանի ընտրություններում հաղթել են Եվրախորհրդի նախկին ղեկավար Դոնալդ Տուսկի գլխավորած ուժերը։ Միևնույն ժամանակ, հրատարակությունը մատնանշում է, որ երկրի ամենամեծ խնդիրը Տուսկի հակառակորդների՝ «Օրենք և արդարություն» կուսակցության գերիշխող դիրքն էր, որը իշխում է վերջին ութ տարիներին։

The Economist-ը գրում է նաև, որ Լեհաստանը 2024 թվականին տարվա երկիր դառնալու հնարավորություն ունի։