Նիդեռլանդներում ավելի քան 1 տոննա կոկաին են գտել էկվադորական բանանով բեռնարկղում

Ռոտերդամում հոլանդացի մաքսավորներն այս շաբաթ առգրավել են 1,9 տոննա ընդհանուր քաշով կոկաինի երկու խմբաքանակ։Այս մասին ասվում է Նիդեռլանդների դատախազության կայքում, հաղորդում է Iz.ru–ն։

Առգրավված արգելված նյութերի ընդհանուր արժեքը գնահատվում է 127,5 մլն եվրո։

Էկվադորից ներմուծված բանաններով կոնտեյների մեջ հայտնաբերվել է 197 կգ քաշով կոկաինի խմբաքանակ։ Բեռի վերջնական նպատակակետը եղել է Ուկրաինան։

Միևնույն ժամանակ, դատախազությունը վստահություն է հայտնել, որ Ուկրաինայում ստացողը և այն ընկերությունը, որը պետք է բանանը պահեր Նիդեռլանդներում, կապ չունեն թմրամիջոցների ապօրինի շրջանառության հետ։

Կոլումբիայից 500 կգ քաշով ևս մեկ բեռ է հայտնաբերվել մուրաբայով և մարմելադով կոնտեյների մեջ։ Վերջնական ստացողը Նիդեռլանդների մի ընկերություն էր, որը, ըստ դատախազության, նույնպես կապ չունի ապօրինի բեռների տեղափոխման հետ, այս մասին տեղեկությունը կայքում հայտնվել է դեկտեմբերի 20-ին։

Երկու դեպքում էլ թմրանյութը ոչնչացվել է։