Հունգարիայի վարչապետը խոստովանել է, որ իր «սիրտը խառնում է» Եվրամիությունից

Հունգարիայի վարչապետ Վիկտոր Օրբանը խոստովանել է, որ իր «սիրտը խառնում է» Բուդապեշտին մի շարք հարցերի շուրջ կեղծ որոշումներ պարտադրելու Բրյուսելի փորձերից։ Նրա խոսքերը մեջբերում է Magyar Nemzet-ը.

Քաղաքական գործիչը հրապարակմանը տված հարցազրույցում ասել է, որ մտադիր է փոփոխությունների հասնել Եվրամիության ղեկավարության շրջանում։

Հունգարիայի վարչապետը ուշադրություն է հրավիրել այն փաստի վրա, որ Եվրահանձնաժողովն առաջարկում է ԵՄ անդամ բոլոր երկրներին ավելացնել ներդրումները և ուղղումներ մտցնել կազմակերպության բյուջեում՝ Ուկրաինային հատկացվելիք օգնությունն ավելացնելու համար, այսինքն՝ «դրա համար հունգարացիների փողերը տալ»։ Նա նշել է, որ սա բացահայտ լկտիություն է։

«Սիրտս խառնում է Բրյուսելից։ Միակ հարցն այն է, թե ինչ եզրակացություն անել ստեղծված իրավիճակից»,- իր կարծիքն է հայտնել Օրբանը։

Նրա խոսքով՝ ներկա պայմաններում Հունգարիան պետք է առաջ շարժվի, ընդլայնի իր դիրքերը, դաշնակիցներ գտնի և բարելավի Եվրամիությունը։