ԱՄՆ-ն Իրանին մեղադրել է Հնդկական օվկիանոսում լցանավի վրա հարձակման մեջ

ԱՄՆ պաշտպանության նախարարությունը հայտնել է, որ անօդաչու թռչող սարքը, որը խոցել է նավթ տեղափոխող լցանավն Արաբական ծովում՝ Հնդկաստանի ափերի մոտ, արձակվել է Իրանից։

««Հեմ Պլուտո» նավը, որը պատկանում է ճապոնական ընկերությանը, գտնվում է նիդեռլանդական ընկերության ենթակայության տակ և նավարկում էր Լիբերիայի դրոշի ներքո, հարձակման է ենթարկվել դեկտեմբերի 23-ին տեղական ժամանակով առավոտյան ժամը մոտ 10-ին Հնդկական օվկիանոսում՝ Հնդկաստանի ափից 200 ծովային մղոն հեռավորության վրա», - ասվում է Պենտագոնի ուղերձում։

Նշվում է, որ անօդաչու թռչող սարքի հարձակումը հանգեցրել է նավի վրա հրդեհի, որը մարվել է, զոհեր և վիրավորներ չկան։ Սաուդյան Արաբիայից հում նավթ տեղափոխող լցանավը շարունակել է ճանապարհը դեպի հնդկական նավահանգիստ։