ԵՄ-ն Ուկրաինային օգնության նոր ծրագիր է մշակում

Եվրամիությունը պատրաստում է Ուկրաինային մինչև 20 միլիարդ եվրոյի չափով օգնելու պահուստային ծրագիր, որը թույլ կտա շրջանցել Հունգարիայի վարչապետ Վիկտոր Օրբանի շրջափակումները, հայտնում է բրիտանական Financial Times թերթը։

«ԵՄ-ն պատրաստում է Ուկրաինային մինչև 20 միլիարդ եվրոյի չափով օգնելու պահուստային ծրագիր՝ ավելացնելով պարտքը, ինչը կշրջանցի Հունգարիայի վարչապետ  Վիկտոր Օրբանի շրջափակումները», - նշվում է նյութում։

Ծրագիրը կներառի անդամ երկրներին, որոնք երաշխիքներ են տրամադրում ԵՄ բյուջեին, ինչը թույլ կտա Եվրահանձնաժողովին մինչև 20 միլիարդ եվրո պարտք վերցնել Կիևի համար կապիտալի շուկաներում: Ըստ աղբյուրների՝ հստակ ժամկետները դեռ քննարկվում են, իսկ վերջնական գումարը կորոշվի՝ կախված Ուկրաինայի կարիքներից։