Նեթանյահուն Էրդողանին մեղադրել է ցեղասպանություն կատարելու մեջ

Իսրայելի վարչապետ Բենիամին Նեթանյահուն չորեքշաբթի օրն արձագանքել է Թուրքիայի նախագահ Ռեջեփ Թայիփ Էրդողանի հայտարարությանը։

«Էրդողանը, ով իրականացրել է քրդերի ցեղասպանություն և ռեկորդակիր է իր վարչակարգին ընդդիմացող կալանավորված լրագրողների թվով, վերջինն է, ով կարող է բարոյականության դասեր տալ մեզ», - ասել է Նեթանյահուն։

Քաղաքական գործիչը հավելել է, որ Իսրայելի պաշտպանության բանակի ուժերը կռվում են ՀԱՄԱՍ–ի դեմ, որին Էրդողանը «գովում է» և բազմիցս հյուրընկալել է իր մոտ։