Պուտինը Հնդկաստանի վարչապետին հրավիրել է Ռուսաստան

ՌԴ նախագահ Վլադիմիր Պուտինը Հնդկաստանի վարչապետ Նարենդրա Մոդիին հրավիրել է Ռուսաստան, հայտնում է «ՌԻԱ Նովոստի»-ն։

Երկրի ղեկավարը Կրեմլում հանդիպել է Հնդկաստանի արտաքին գործերի նախարարության ղեկավարի հետ։

«Մենք ուրախ կլինենք տեսնել մեր ընկերոջը՝ պարոն վարչապետ Մոդիին Ռուսաստանում <...> Խնդրում եմ նրան փոխանցեք իմ բարեմաղթանքները», - ասել է Պուտինը։

Նա հավելել է, որ այցի ընթացքում հնարավոր կլինի քննարկել բոլոր ընթացիկ հարցերն ու խոսել ռուս-հնդկական հարաբերությունների զարգացման հեռանկարների մասին։

ՌԴ նախագահի խոսքով՝ ինքը հասկանում է, որ հաջորդ տարի Հնդկաստանի ներքաղաքական օրացույցը բարդ է լինելու։ Նա նաև հաջողություն է մաղթել Հնդկաստանում գտնվող իր ընկերներին և հույս հայտնել, որ քաղաքական ուժերի ցանկացած դասավորության դեպքում երկու երկրների և ժողովուրդների միջև ավանդական բարեկամական կապերը կպահպանվեն։