Նրանք ասացին՝ այս լավ տղաներին մենք կպահենք մեր գրպանում. Լավրովը՝ Թրամփի և Պուտինի հարաբերությունների մասին

Ուկրաինայի շուրջ իրավիճակն այլ կերպ չէր լինի, եթե 2020 թվականին Դոնալդ Թրամփը վերընտրվեր ԱՄՆ նախագահի պաշտոնում։ Այս մասին հունվարի 23-ին CBS հեռուստաալիքին տված հարցազրույցում հայտարարել է ՌԴ ԱԳ նախարար Սերգեյ Լավրովը։

«Չեմ կարծում, որ տարբերություն կլիներ: Այս ամենը սկսեց ոչնչացնել նախագահ Ջորջ Բուշը, երբ նա ասաց Ռուսաստանի նախագահ Վլադիմիր Պուտինին՝ «Գիտե՞ք, ես դուրս եմ գալիս հակաբալիստիկ հրթիռների մասին պայմանագրից», - ասել է Լավրովը:

Նրա խոսքով, ԱՄՆ-ի քաղաքական գործիչների ներկայիս սերունդը դասեր չի քաղել այն քաղաքականությունից, որը ԱՄՆ-ն սկսեց առաջ մղել ԽՍՀՄ-ի փլուզումից հետո։

«Առավելության բարդույթը, անպատժելիության բարդույթը գնալով խորանում է։ Նրանք, ովքեր անտեսեցին Պուտինի կողմից իր առաջին երկու պաշտոնավարման ընթացքում ցուցաբերած հսկայական բարի կամքը, պարզապես ասացին՝ լավ, այս տղաները այնքան լավն են, մենք նրան կպահենք մեր գրպանում։ Նրանք, ովքեր սխալ են հաշվարկել, պետք է ամեն ինչ վերանայեն»,- ասել է Լավրովը։