Զելենսկին ցանկանում է նմանվել Պուտինին․ Պեսկով

Ուկրաինայի նախագահ Վլադիմիր Զելենսկին ցանկանում է նմանվել Ռուսաստանի նախագահ Վլադիմիր Պուտինին, ում աջակցում է ողջ ժողովուրդը, բայց դա չի ստացվում։

Նման կարծիք է հայտնել ՌԴ ղեկավարի մամուլի քարտուղար Դմիտրի Պեսկովը։

«Նա նորից փորձում է բացարձակապես գերիշխող աջակցություն ստանալ, նա իսկապես ցանկանում է նմանվել, օրինակ, նախագահ Պուտինին, որպեսզի ամբողջ ժողովուրդը աջակցի նրան, բայց այդպես չի ստացվում, և Ուկրաինայում ավելի ու ավելի շատ մարդիկ են սկսում մտածել, որ միգուցե ինչ-որ բան Կիևի ռեժիմը սխալ է անում»,- ասել է Կրեմլի ներկայացուցիչը։