Խան Յունիսին Իսրայելի հարվածների հետևանքով` 24 ժամում 50 մարդ է զոհվել

Գազայի հատվածի հարավում վերջին 24 ժամվա ընթացքում իսրայելական բանակի գործողությունների հետևանքով՝ 50 մարդ է զոհվել, հայտնում է տեղական «Շեհաբ» լրատվական գործակալությունը։

«Վերջին 24 ժամվա ընթացքում 50 մարդ է զոհվել, ևս 120-ը վիրավորվել է Խան Յունիս քաղաքի արևմտյան մասում իսրայելական ռազմական գործողության արդյունքում»,- ասվում է գործակալության հաղորդագրության մեջ։

Երեքշաբթի օրը Իսրայելի պաշտպանության բանակը հայտարարեց Գազայի հատվածի հարավում գտնվող Խան Յունիս քաղաքը շրջափակելու և 24 ժամվա ընթացքում տասնյակ պաղեստինցի արմատականների ոչնչացման մասին։