Կորել է Զարեհ Սինանյանը

Ապրիլի 3-ին իսրայելցիները ոստիկանության աջակցությամբ ներխուժեցին Երուսաղեմի «Կովերու Պարտեզ» (Կովերի այգի) տեղանք և հանեցին այնտեղ կանգնեցված պատնեշները։ Ներխուժման ժամանակ բախում է տեղի ունեցել իրավապահների և հայ ակտիվիստների, ինչպես նաև հայ հոգևորականության ներկայացուցիչների միջև։

Ի պաշտպանություն Երուսաղեմի հայ համայնքի հանդես են եկել Ֆրանսիայի և Հորդանանի ԱԳՆ-ները, մինչ այդ էլ Իսրայելում ՌԴ դեսպանն էր հանդիպել Երուսաղեմի Հայոց պատրիարքի հետ՝ փորձելով օգնության ձեռք մեկնել;

Ինչպես ասում են՝ բոլորը խառն են և փորձում են կանխել քրիստոնյաների դեմ նման ոտնձգությունները: Բոլորը, բացի Սփյուռքի գործերի գլխավոր հանձնակատար Զարեհ Սինանյանից: Երուսաղեմում ստեղծված իրավիճակը նոր չէ, բայց այն բնավ չի հուզում Սինանյանին, հակառակ դեպքում՝ վերջինս գոնե համապատասխան հայտարարությամբ հանդես կգար: Էլ չենք ասում, որ ոչ թե Ֆրանսիայի և Հորդանանին պաշտոնյաները, այլ հենց Սինանյանն այսօր պետք է թակեր միջազգային կառույցների դռները և փորձեր նրանցից աջակցություն ստանալ: Հարց է առաջանում՝ Երուսաղեմում ապրող հայերը հա՞յ չեն, թե սփյուռքի մաս չեն, իսկ գուցե պարոն Սինանյանի պատկերացմամբ Սփյուռքին պետք է հիշել միայն թելեթոնից-թելեթոն, իսկ խնդիրների առկայության դեպքում՝ ջրի հատակն անցնել:

Այս բոլոր հարցերից, սակայն, ամենակարևոր հարցը հետևյալն է՝ ո՞ւր է կորել Զարեհ Սինանյանը և ինչո՞ւ նա հավուր պատշաճի չի կատարում իր վրա դրված պարտականությունները:

Այս թեմայով Ցանկալի կլիներ, որ Հայոց ցեղասպանության ճանաչումն ազդեր Հայաստանում անվտանգության մակարդակի բարձրացման վրա. Սինանյան Ցանկալի կլիներ, որ Հայոց ցեղասպանության ճանաչումն ազդեր Հայաստանում անվտանգության մակարդակի բարձրացման վրա. Սինանյան Ցանկալի կլիներ, որ Հայոց ցեղասպանության ճանաչումն ազդեր Հայաստանում անվտանգության մակարդակի բարձրացման վրա. Սինանյան «Շատ հարցեր կան՝ օրինակ՝ ինչո՞ւ են ՀՀ-ում դժգոհ Սփյուռքի ազդեցությունից 44-օրյայի ընթացքում»․Սինանյան (տեսանյութ) ԳԱԱ նախագահ Աշոտ Սաղյանը հյուրընկալել է Զարեհ Սինանյանին