ԱՀԿ-ն հայտնել է, որ Սուդանում հակամարտությունը խլել է առնվազն 20 հազար մարդու կյանք

Առնվազն 20 հազար մարդ է զոհվել Սուդանում 16 ամսից ավելի հակամարտությունների ընթացքում, հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեիեսուսը։ Գրում է 24news.am-ը։

Նա եզրակացությունները ներկայացրել է Պորտ-Սուդանում տեղի ունեցած մամուլի ասուլիսի ժամանակ, որտեղ գտնվում է միջազգայնորեն ճանաչված ռազմական աջակցությունը վայելող կառավարությունը, հաղորդում է Associated Press-ը:

«Սուդանը անցնում է ճգնաժամի կատարյալ փոթորիկի միջով: Ճգնաժամի մասշտաբները ցնցող են, ինչպես նաև հակամարտությունը զսպելու գործողությունների անբավարարությունը», - ասել է ԱՀԿ ղեկավարը:

Նա պարզաբանել է, որ զոհերի թիվը կարող է շատ ավելի մեծ լինել։ Գեբրեիեսուսը նաև ընդգծել է, որ անհրաժեշտ է Սուդանում անհապաղ հրադադարի հասնել։