«Միակ քայլը, որը կկանգնեցնի իսրայելական ամբարտավանությունը, դա իսլամական երկրների դաշինքն է». Էրդողան

Թուրքիայի նախագահ Ռեջեփ Թայիփ Էրդողանը շաբաթ օրը հայտարարել է, որ իսլամական երկրները պետք է դաշինք կազմեն Իսրայելի կողմից «ծավալվող էքսպանսիոնիզմի սպառնալիքի» դեմ, հայտնում է Reuters-ը։

Այսպես նա մեկնաբանել է իսրայելական զորքերի կողմից ամերիկաբնակ թուրք կնոջ սպանությունը, ով ուրբաթ օրը մասնակցել էր Իսրայելի կողմից օկուպացված Հորդանան գետի արևմտյան ափում բնակավայրերի ընդլայնման դեմ բողոքի ցույցին։

«Միակ քայլը, որը կկանգնեցնի իսրայելական ամբարտավանությունը, իսրայելական ավազակապետությունը և իսրայելական պետական ​​ահաբեկչությունը, իսլամական երկրների դաշինքն է», - ասել է Էրդողանը Ստամբուլի մերձակայքում գտնվող իսլամական դպրոցների ասոցիացիայի համար կազմակերպված միջոցառման ժամանակ:

Նա ասել է, որ Եգիպտոսի և Սիրիայի հետ հարաբերությունները բարելավելու Թուրքիայի վերջին քայլերն ուղղված են «համերաշխության գիծ ձևավորելուն՝ ընդդեմ էքսպանսիոնիզմի աճող սպառնալիքի», որը, ըստ նրա, սպառնում է նաև Լիբանանին և Սիրիային:

Աղբյուր՝ News.am