Բայդենը հայտնել է՝ Իսրայելը հրադադարի նոր առաջարկ ունի
Արտակարգ Պատահար
Իսրայելը հրադադարի նոր առաջարկ է ներկայացրել Գազայի հատվածում պաղեստինյան արմատական ՀԱՄԱՍ շարժմանը։ Այս մասին հայտարարել է ԱՄՆ նախագահ Ջո Բայդենը՝ կոչ անելով երկու կողմերին ընդունել Իսրայելի ծրագիրը, փոխանցում է ՏԱՍՍ-ը։
«Իսրայելը նոր համապարփակ առաջարկ է ներկայացրել։ Այն ապահովում է տևական զինադադարի և բոլոր պատանդների ազատ արձակման ճանապարհային քարտեզը: Այս առաջարկը ՀԱՄԱՍ-ին փոխանցվել է Քաթարի միջոցով»,- ասել է նախագահը։
Ըստ Բայդենի՝ առաջարկվող գործարքը բաղկացած է երեք փուլից՝ իսրայելական զորքերի դուրսբերում Գազայից և պատանդների ազատում ՀԱՄԱՍ-ի գերությունից, անժամկետ զինադադար և մարտերից հետո Գազայի վերականգնման սկիզբ։
Առաջին փուլը նախատեսում է վեցշաբաթյա հրադադար։
Բայդենը և՛ ՀԱՄԱՍ-ին, և՛ Իսրայելի իշխանություններին կոչ է արել ընդունել այս առաջարկը, քանի որ Իսրայելում, ըստ ԱՄՆ նախագահի, կան հակամարտությունը երկարացնելու կողմնակիցներ, որոնք համաձայն չեն առաջարկվող ծրագրին։ Այս կապակցությամբ ամերիկացի առաջնորդը երկու կողմերին խնդրել է դիտարկել Իսրայելի առաջարկը և «մտածել, թե ինչ կլինի, եթե այս պահը բաց թողնվի»։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
