Մենք՝ մեծահասակներս, պետք է պատասխանատու և հանձնառու լինենք ու դաստիարակենք սերունդ. Դավիթ Համբարձումյան

Մասիս քաղաքի համայնքապետ Դավիթ Համբարձումյանը գրառում է կատարել հունիսի 1-ի առթիվ.

«Սիրելի՛ երեխաներ,

Մասիս համայնքի իմ փոքրիկ բարեկամներ,

Հարգելի՛ ծնողներ, տատիկներ ու պապիկներ,

Լավագույն մաղթանքներով շնորհավորում եմ հունիսմեկյան այս գեղեցիկ ու պայծառ օրվա առթիվ։

Հայտնի է, որ յուրաքանչյուր պետության հիմքն ամուր ընտանիքն է, իսկ ընտանիքներին լույս ու ջերմություն տվողները մեր երեխաներն են:

Եվ յուրաքանչյուր ծնողի նպատակն ու ցանկությունն է, որ իր երեխայի մանկությունն անհոգ լինի, որ երեխաները մեծանան առողջ ու երջանիկ՝ շրջապատված անսահման ջերմությամբ ու հոգատարությամբ:

Երեխաները նաև մեր հայրենիքի ապագան կերտողներն են:

Եվ մենք՝ մեծահասակներս, պետք է պատասխանատու և հանձնառու լինենք ու դաստիարակենք սերունդ, որը կհավատա մեր երկրի վաղվա օրվան և կպայքարի այդ օրվա համար:

Սիրելի՛ մանուկներ,

Կրկին շնորհավորելով տոնի առթիվ՝ մաղթում եմ ձեզ խաղաղ, անհոգ ու երջանիկ մանկություն, որ ձեր աչքերը միշտ փայլեն ուրախությունից։

Մաղթում եմ, որ իրականություն դառնան անգամ անհավանական թվացող ձեր երազանքները, և դուք ապրեք ձեր երազած, մտովի պատկերացրած հայրենիքում:

Աստված պահապան բոլոր մանուկներին։

Խաղաղություն մեր երկրին»: