Մեզնից է կախված, թե ինչպիսի մարդ երեխաները կմեծանան ու ինչպիսի աշխարհում կապրեն. Տավուշի մարզպետ
Տեսանյութեր
Տավուշի մարզպետ Հայկ Ղալումյանը շնորհավորական ուղերձ է հղել Երեխաների պաշտպանության միջազգային օրվա առթիվ:
«Հարգելի հայրենակիցներ, հունիսի 1-ը Երեխաների պաշտպանության միջազգային օրն է։ Շնորհավորում եմ բոլորիս այս հրաշալի տոնի առթիվ։ Հայաստանը Երեխաների իրավունքների մասին կոնվենցիան վավերացրել է 1990 թվականին, իսկ 1996 թվականին ընդունվել է «Երեխայի իրավունքների մասին» ՀՀ օրենքը։
Երեխաները մեր ապագան են, մեր կյանքի իմաստն ու երջանկությունը։ Ու մենք՝ մեծերս, անում ենք ամեն հնարավորը, որպեսզի մեր երեխաները լինեն առողջ ու երջանիկ, որպեսզի նրանք ստանան որակյալ ու ժամանակակից կրթություն ու գտնեն իրենց ճիշտ տեղը կյանքում։ Մեզնից է կախված, թե ինչպիսի մարդ նրանք կմեծանան ու ինչպիսի աշխարհում կապրեն։
Հարգելի հայրենակիցներ, մեկ անգամ ևս շնորհավորելով Երեխաների պաշտպանության միջազգային օրվա առթիվ` մաղթում եմ, որ ձեր ընտանիքներում մշտապես իշխեն խաղաղությունը, փոխադարձ հարգանքն ու վստահությունը։ Իսկ ձեզ, սիրելի երեխաներ, մաղթում եմ ակտիվ ու հետաքրքիր ամառային հանգիստ և ամենանվիրական ցանկությունների իրականացում»,- ասվում է ուղերձում:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
