H5N2 գրիպից մահվան առաջին դեպքն է գրանցվել

Մեքսիկայում 59-ամյա տղամարդ է մահացել H5N2 թռչնի գրիպից, սա մարդկանց շրջանում այս վիրուսից մահվան առաջին դեպքն է, այս մասին հայտնում է BBC-ն:

Տեղի իշխանությունների վստահեցմամբ՝ հանրության համար ոչ մի վտանգ չկա, տղամարդու հետ սերտ շփումներից ոչ ոք չի վարակվել:

Պարզ չէ, թե տղամարդն ինչպես է վարակվել վիրուսով, թեև Մեքսիկայի որոշ թռչնաֆաբրիկաներում դեպքեր են գրանցվել։ Նման վարակները երբեմն կարող են կենդանիներից փոխանցվել մարդկանց:

Նշվում է, որ տղամարդն ունեցել է հարակից այլ հիվանդություններ: