Ռուսաստանում ակտիվորեն լուսաբանում են այսօրվա հանրահավաքը. Հրապարակ

Ռուսական մի շարք առաջատար լրատվամիջոցներ ակտիվորեն լուսաբանում են այս պահին Երևանի Հանրապետության հրապարակում Բագրատ Սրբազանի առաջնորդությամբ ընթացող հանրահավաքը:

Ռուսական ԶԼՄ-ները հատկապես ընդգծում են, որ ոստիկանության մեծ ուժեր են կենտրոնացված Երևանի Հանրապետության հրապարակում՝ Հայաստանի կառավարության շենքի մոտ, որտեղ հավաքված տասնյակ հազարավոր մարդիկ պահանջում են երկրի վարչապետ Նիկոլ Փաշինյանի հրաժարականը:

Հիշեցվում է, որ այսօրվա առանցքային հանրահավաքի մասին բողոքի շարժման առաջնորդ Բագրատ արքեպիսկոպոս Գալստանյանը հայտարարել էր հունիսի 4-ին:

«Երկրում իշխանափոխության դեպքում նա նախատեսում է ձևավորել անցումային կառավարություն, որը պետք է հասնի հաշտեցման հասարակության մեջ, կարգավորի հարաբերություններն արտաքին աշխարհի հետ, ինչպես նաև սկսի արտահերթ խորհրդարանական ընտրությունների նախապատրաստումը, որում ժամանակավոր անցումային կառավարությունը չի պատրաստվում մասնակցել՝ «արդարության սկզբունքը չխաթարելու համար», -գրում է РИА Новости-ին։

Ռուսական լրատվամիջոցները հիշեցնում են նաև, որ մայիսի 9-ից Երևանում բողոքի ակցիաներ են տեղի ունենում՝ Փաշինյանի հրաժարականի, Ադրբեջանի հետ սահմանի սահմանազատման գործընթացի դադարեցման և Բաքվին մի շարք սահմանային տարածքների փոխանցումը կասեցնելու պահանջով։