Գերլարված ու բարդ իրավիճակ է Լիբանանում․ Գանտահարյանը՝ Լիբանանում տիրող իրավիճակի ու գիշերվա բախումների մասին

 Երեկ գիշերը շատ թեժ մարտեր ու հրթիռակոծություններեն եղել Բեյրութի հարավային արվարձաններում։ Առհասարակ, բախումներ են տեղի ունեցել Լիբանանի հարավում։ Այս մասին Lurer.com-ի հետ զրույցում ասաց Բեյրութում լույս տեսնող «Ազդակ» թերթի գլխավոր խմբագիր Շահան Գանտահարյանը։

Գանտահարյանն ընդգծեց, որ հակասական տեղեկություններ են տարածվել, թե իսրայելական բանակը մտել է լիբանանյան տարածքներ։

«Մինչեւ այս պահը դեռեւս պարզ չէ, թե իսրայելական ուժերի կողմից ներխուժման գործողություններ տեղի ունեցել են, թե ոչ։ Մի բան ակնհայտ է՝ սահմաններին թեժ մարտեր են ընթանում»,- շեշտեց նա։

Գանտահարյանի խոսքով՝ Լիբանանում մարդիկ անորոշության պայմաններում են ապրում, օր օրի խորանում է քաղաքական ու տնտեսական ճգնաժամը։

«Սպասողական, գերլարված ու բարդ իրավիճակ է տիրում Լիբանանում, բայց այստեղի հասարակությունն առաջին անգամ չէ, որ պատերազմական իրավիճակում է գտնվում և դուրս գալիս այս վիճակից։ Լիբանանի համայնքները ինքնակազմակերպվում են։ Ավելին՝ ինքնակազմակերպվում է նաև լիբանանահայ համայնքը» ,- ասեց Գանտահարյանն ու հավելեց, որ ստեղծված իրավիճակով պայմանավորված՝ հայ քաղաքական կուսակցությունները համատեղ նիստեր են անցկացնում։

«Ազդակ» թերթի գլխավոր խմբագիրը չբացառեց նաեւ, որ մոտ ապագայում հնարավոր է՝ հումանիտար խնդիրներ առաջանան։ Անդրադառնալով պատերազմի մասշտաբներին ու տեղայնացմանը՝ շեշտեց, որ տեղային բախումներն անցել են թիրախային բախումների։ «Հիմա, արդեն, ներխուժման հավանականությունը շատ ավելի բարձր է»,- ասաց նա։

ՄԱՆՐԱՄԱՍՆԵՐԸ՝ ՏԵՍԱՆՅՈՒԹՈՒՄ

Հիշեցնենք, որ Իսրայելի և «Հզբոլլահի» միջև հակամարտության սրացումը սկսվել է սեպտեմբերի 17-ին և 18-ին Լիբանանում կապի սարքերի մի շարք պայթյուններից հետո: Շիա շարժումը միջադեպերի համար մեղադրել Է Իսրայելին, թեև հրեական պետության իշխանությունները պաշտոնական մեկնաբանություններ չեն տվել՝ հայտարարելով միայն հյուսիսային սահմանին ակտիվության ուժեղացման մասին:

Սեպտեմբերի 23-ին Իսրայելը սկսել է «Հյուսիսի նետեր» գործողությունը, որի շրջանակներում հարվածներ են հասցվել Լիբանանում «Հզբոլլահի» ռազմական օբյեկտներին: Սեպտեմբերի 27-ին Բեյրութին հասցված հարվածներից մեկի ժամանակ սպանվել է «Հզբոլլահի» գլխավոր քարտուղար Հասան Նասրուլլան։ 

Սիլվի Մուրադյան

Այս թեմայով ՌԴ ԱԳՆ-ն խստորեն դատապարտում Է Իսրայելի հարձակումը Լիբանանի վրա Իսրայելի բանակը լիբանանյան 30 գյուղերի բնակիչներին տարհանվելու կոչ է արել ՀՀ ՊՆ-ն՝ Լիբանանում ՀՀ ԶՈՒ խաղաղապահ զորախմբի ծառայության վերաբերյալ Տարհանում իրականացնելու անհրաժեշտություն չկա ․ Ի՞նչ իրավիճակ է տիրում Լիբանանում․ ներկայացնում է Հակոբ Բագրատունին «Լիբանանում իրականացվող ռազմական գործողությունների հետևանքով տուժածների շրջանում հայեր չկան»․ Լիբանանում Հայաստանի դեսպան