Միացյալ Նահագների բանակը 15 միլիոն դոլարի M60 գնդացիրներ ձեռք կբերի

ԱՄՆ բանակը (ցամաքային զորքերը) պայմանագիր է կնքել ԱՄՆ պաշտպանական U.S. Ordnance ընկերության հետ մոտ 15 միլիոն դոլար արժողությամբ M60 գնդացիրների մատակարարման համար: Վաշինգտոնը զենքն, ըստ ամենայնի, կփոխանցի Ուկրաինային, գրում է The War Zone-ը։

Նշվում է, որ «առեղծվածային» ԱՄՆ զինվորականները համաձայնագրի շրջանակում կստանան M60E6 և M60E4 գնդացիրների չճշտված քանակություն, ինչպես նաև M60-ի նախկին մոդիֆիկացիաների վերասարքավորած հավաքածուներ։ Դեռ տարեսկզբին ԱՄՆ բանակը հայտարարել էր, որ շահագրգռված է գնելու այս գնդացիրները, որոնք դադարել էին կիրառվել մի քանի տասնամյակ առաջ, սակայն չեն հստակեցրել՝ ում համար է այն և ինչ նպատակով է գնվելու։

Ինչպես նշել է The War Zone-ը, զենքը կարող է նախատեսված լինել ԱՄՆ օտարերկրյա դաշնակցի կամ գործընկերոջ, օրինակ՝ Ուկրաինայի համար։ Մեծ է հավանականությունը, որ M60 գնդացիրների բանակի նոր գնումները Կիևին սպասվող ռազմական օգնության փաթեթի մաս են կազմում։

Միևնույն ժամանակ, չի բացառվում, որ գնումները Ուկրաինային չեն առնչվում և անհրաժեշտ են ԱՄՆ բանակին՝ փորձարկման և ուսումնական նպատակներով։

Աղբյուրը` News.am