Իսրայելի պաշտպանության բանակը հարավային Լիբանանի բնակիչերին կոչ է արել տարհանվել

Իսրայելի պաշտպանության բանակը կոչ է արել հարավային Լիբանանի ավելի քան 20 գյուղերի բնակիչներին շտապ տարհանվել, փոխանցում է ՌԻԱ Նովոստին։

 «Հեզբոլլահի գործունեությունը ստիպում է Իսրայելի պաշտպանության բանակին ուժ կիրառել նրա դեմ։ Ձեր անվտանգության համար դուք պետք է անհապաղ լքեք ձեր տները և շարժվեք դեպի Ավալի գետից հյուսիս գտնվող շրջաններ: Յուրաքանչյուր ոք, ով մոտ է «Հեզբոլլահի» անդամներին, նրա օբյեկտներին և զենքերին, վտանգի կենթարկվի: Նրանց կյանքին վտանգ է սպառնում։ Արգելվում է շարժվել դեպի հարավ։ Այս ուղղությամբ ցանկացած շարժում կարող է վտանգի ենթարկել ձեզ»,- ասել է Իսրայելի պաշտպանության բանակի արաբալեզու խոսնակ Ավիչայ Էդրին X սոցիալական ցանցի իր միկրոբլոգում։

Իսրայելի պաշտպանության բանակն առաջին անգամ կոչ է անում տարհանել Լիտանի գետից հյուսիս գտնվող բնակավայրերի բնակիչներին, նշում է Al-Hadath հեռուստաալիքը։