Կոնգոյում 450 ուղևոր տեղափոխող նավ է խորտակվել․ զոհվել է առնվազն 126 մարդ (տեսանյութ)

Առնվազն 126 մարդ է զոհվել Կոնգոյի Դեմոկրատական ​​Հանրապետության արևելքում գտնվող Կիվու լճում նավի խորտակման հետևանքով։

Նավը շրջվել է հոկտեմբերի 3-ին՝ Գոմա նավահանգստին մոտենալիս։ Նավում եղել են առևտրականներ, որոնք տեղափոխում էին պարենային ապրանքներ, հոկտեմբերի 4-ին հաղորդել է Belga լրատվական գործակալությունը:

Տարբեր աղբյուրների համաձայն՝ նավի վրա եղել է 280-ից 450 ուղեւոր։

Reuters-ը, վկայակոչելով նահանգապետ Ժան-Ժակ Պուրիսիին, հայտնում է, որ զոհվել է 78 ուղևոր, սակայն, ինչպես պարզաբանել է նահանգի ղեկավարը, զոհերի ստույգ թիվը հնարավոր կլինի պարզել միայն մի քանի օրից, երբ դիերի որոնումն ավարտված կլինի։