Երևանը փորձել է «գոհացնել» արեւմտյան գործընկերներին, կամ՝ չառաջացնել նրանց դժգոհությունը. Հակոբ Բադալյան

Հակոբ Բադալյանը գրում է. «Հայաստանը չի միացել ԱՊՀ արտգործնախարարների խորհրդի ընդունած հայտարարություններից երկուսին: Դրանցից մեկը Եվրասիայում անվտանգության ապահովման սկզբունքների մասին հայտարարությանը, մյուսը՝ միջազգային հարաբերություններում միակողմանի միջոցների անթույլատրելիության մասին:

Ըստ էության, Երեւանն այդ կերպ փորձել է «գոհացնել» արեւմտյան գործընկերներին, կամ՝ չառաջացնել նրանց դժգոհությունը: Հատկապես այն պարագայում, երբ Մոսկվա այցն ընդհանրապես արեւմտյան «ընկալումներում» մատուցվում է բացասաբար: Եվ առավել եւս, որ Երեւանը մի քանի շաբաթ առաջ չէր միացել Եվրոպայի Խորհրդի այն հայտարարությանը, որը վերաբերում էր ուկրաինական պատերազմում ռազմական հանցագործություններին եւ վերաբերում ՌԴ նախագահ Պուտինին»։