Հեռու «խաղացեք» Սերժ Սարգսյանից, հանգիստ վեր ընկեք Նիկոլի ձախ գրպանում ու մանրից ծախսեք «30 արծաթը». Շարմազանով

ՀՀԿ Գործդիր մարմնի անդամ Էդուարդ Շարմազանովը քիչ առաջ ֆեյսբուքյան իր էջում գրել է.

«Ոտքի տակ մի ընկեք ու հեռու «խաղացեք» Սերժ Սարգսյանից:

Քաղաքական խամաճիկների պակաս հայկական քաղաքական դաշտը երբեք չի ունեցել։ Բայց դրանք մեծ թափով սկսեցին բազմանալ 2018-ի հեղաշրջումից հետո։
Դրանց մի մասը տեղավորվեցին, նախ, Փաշինյանի գրպանում ՝դառնալով գրպանային կամակատարներ։

Աստիճանաբար նրանք սկսեցին գործուղվել «ընդդիմության» դաշտ` նպատակ ունենալով աղտոտել ազգային-պետական դաշտն ու ստվեր գցել իրական ազգային-պետական առաջնորդների և ուժերի վրա։

Դրանք, ըստ էության, կամավոր ստանձնեցին «30 արծաթի» դերակատարի գործառույթ Հայաստանի ու Արցախի նկատմամբ։ Ու դրանք մեծ պորցիաներով սկսեցին ապականել ոչ միայն քաղաքական դաշտը…

Դժբախտաբար դրանց մի մասը բուծվեց ու գործուղվեց նաև այլ ոլորտներ, մշակույթից մինչև գիտություն, բուհական համակարգից մինչև «հոգևոր» դաշտ։

Դրանց ընդհանուր առմամբ կարելի է անվանել «նիկոլական ուրվականներ»։

Ո՞րն է դրանց գործառույթը… Ապականելով ազգային-պետական դաշտը՝ ցեխ շպրտել ՀՀ նախկին ղեկավարների ու, նախևառաջ, ՀՀԿ-ի ու Սերժ Սարգսյանի ուղղությամբ։

Դրանց, ինչպես Փաշինյանին ու Ալիևին, քուն ու դադար չի տալիս Սերժ Սարգսյան պետական-ազգային գործչի ամուր ոտքերի վրա կանգուն մնալու ու պայքարելու վճռականությունը։

Արցախը հանձնած և Հայաստանը թուրքական վիլայեթ դարձնող Փաշինյանին քննադատելու փոխարեն սրանք քննադատում են Սերժ Սարգսյանին ու ՀՀԿ-ին՝ իրականացնելով Բաքվի տիրակալի սրտի ցանկությունը։

Մեկ Բաքուն է խոսում Սերժ Սարգսյանի ակտիվ քաղաքական դերակատարման դեմ, մեկ՝ սրանք։

Իսկ ովքե՞ր են, իրականում, սրանք։

Մեկը` քաղաքական դաշտում բացահայտ կասկածելի համարում ունեցող է, ով պատերազմից հետո Նիկոլին կապիտուլյացիայի մեջ էր մեղադրում, իսկ այնուհետև սկսեց կատարել նույն Նիկոլի հատուկ հանձնարարականները, ի դեպ, Պրահայում Արցախն Ադրբեջանին հանձնելու ժամանակ։

Իրենք իրենց «կուսակցությունում» հրապարակային 2,5 հոգի են մնացել, բայց 15 հազար անդամ ունեցող ՀՀԿ-ին խորհուրդ են տալիս, թե ո՞ւմ ընտրեն կուսակցության առաջնորդ։

Գնացեք ձեր դարդը լացեք ու մտածեք, թե ինչո՞ւ ձեր թիմի լիդերների մեծ մասը լքեց ձեր կուսակցությունը:

Մյուսն էլ կուսակցության անուն ունի, բայց կուսակցականներ չունի։

Էն մեկն էլ քնում-արթնանում է` երազում մանդատ է տեսնում։
Ու սրանք եկել ՀՀԿ ու Սերժ Սարգսյան են քննադատում։

Մինչև 2018-ի հեղաշրջումը կփափագեիք Սերժ Սարգսյանին բարևել, իսկ բարևելու դեպքում էլ շատ հավանական է առաջիկա մեկ ամիսը ձեռքներդ չէիք էլ լվանում։ Ասել մեր երջանկահիշատակ Գալուստ Գրիգորիչի՝ մենք ձեր մերկությունը վաղուց ենք տեսել, բայց չենք գայթակղվել։

Նենց որ, հեռու մնացեք ՀՀԿ-ից ու Սերժ Սարգսյանից։

Եթե մենք 2018-ին հեղաշրջմանը դիմացել ենք ու չենք ծնկել ձեր նման Նիկոլի առաջ, սրանից հետո պայքարի ճանապարհից հետ չենք նահանջելու։

Երբ մենք, Սերժ Սարգսյանի գլխավորությամբ, ցրտին ու ցեխին փողոցում ու բանտերում պայքարում էինք, դուք Նիկոլից հանձնարարականեր էիք ստանում։

Երբ մենք հունիսի 12-ին Բաղրամյան-Դեմիրճյան փողոցների խաչմերուկում առանց աչք թարթելու կանգնած էինք ռեժիմի կրակոցների առջև, ձեր մի մասը փախած ու պախկված էր, իսկ մյուս մասն էլ՝ տունը կարկանդակ էր ուտում։

Այնպես որ, հանգիստ վեր ընկեք Նիկոլի ձախ գրպանում ու մանրից ծախսեք «30 արծաթը»»։

Այս թեմայով Վրդովված ծնողը պատմել է` ուսուցիչը հորդորել է հայոց պատմության փոխարեն սովորել համաշխարհային պատմություն. Վահե Սարգսյան ԱՄՆ դեսպանատուն, այդ աջակցությունը միայն Հայաստանին է՞ հասնում, ինչո՞ւ Ադրբեջանին նույնկերպ չեք աջակցում. Վահե Սարգսյան Եթե Մոսկվայում ՀՀ-ն ներկայացված լիներ պետականամետ ղեկավարով, ապա նա Ալիևի «աչքը կմտցներ» Ադրբեջանի վայրագությունները. Շարմազանով Փաշինյանի գլխավորությամբ քննարկվել են էլեկտրաէներգիայի մատակարարման որակի հետ կապված խնդիրները Ռուս բլոգերները նորից ծաղրել են «բլոգեր Փաշինյանին» (տեսանյութ)