Ազատ ոճի ըմբշամարտի Մ15 համառուսաստանյան մրցաշար․ Սուրեն Իշխանյանը և Ռազմիկ Ոսկանյանը ոսկե մեդալ են նվաճել
ՍպորտՀայ ըմբիշներ Սուրեն Իշխանյանը (52 կգ) և Ռազմիկ Ոսկանյանը (62 կգ) հաղթող են ճանաչվել Վլադիկավկազում ընթացող ազատ ոճի ըմբշամարտի մինչև 15 տարեկանների համառուսաստանյան մրցաշարում, հայտնում է Հայաստանի ըմբշամարտի ֆեդերացիան։ 75 կգ կաշային Վաչե Ասլանյանը դարձել է արծաթե մեդալակիր։
Մրցումներին մասնակցում են ավելի քան 300 ըմբիշներ Ռուսաստանից, Բելառուսից, Ադրբեջանից, Ղազախստանից, Վրաստանից, Հայաստանից, Ղրղզստանից, Ուզբեկստանից, Աբխազիայից, Հարավային Օսիայից: