Ռուսաստանում կարող է էկրան բարձրանալ Ռասել Քրոուի մասնակցությամբ նոր ֆիլմ՝ Հռոմեական կայսրության հետ առճակատման մասին

Arna Media կինոընկերությունը ձեռք է բերել Ռասել Քրոուի մասնակցությամբ «Վերջին դրուիդը» ֆիլմը ԱՊՀ տարածքում ցուցադրելու իրավունքը, այս մասին հայտնում է Deadline-ը։

Arna Media-ն անկախ կինոընկերություն է, որի շնորհիվ Ռուսաստանում թողարկվել են «Կանաչ գիրք», «Եվս մեկը»,  «Մեծ խաղ» և այլ նախագծեր։ Ռասել Քրոուի մասնակցությամբ նոր ֆիլմի պրեմիերան հայտնի չէ։

Օսկարակիր դերասանը «Գլադիատոր»-ի թողարկումից 25 տարի անց կրկին կպայքարի Հռոմեական կայսրության դեմ:  «Վերջին դրուիդը» ֆիլմի սյուժեն պատմում է խաղաղ Կելտական երեցի (Քրոուի) մասին, որը ստիպված է զենք վերցնել, որպեսզի պաշտպանի իր ժողովրդին Հռոմեական կայսրության կողմից ոչնչացումից։ Ռեժիսորը կլինի Ուիլյամ Յուբենկը, ով ստեղծել է «Ջրի տակ» ֆիլմը Քրիստեն Ստյուարտի հետ։

Հուլիսին տեղի ունեցավ «Գլադիատոր 2»-ի պաշտոնական թրեյլերի պրեմիերան։ 2000 թվականի կուլտային ֆիլմի սիքվելի պրեմիերան կայացել է հոկտեմբերի 18-ին, իսկ ամերիկյան վարձույթում ֆիլմը կհայտնվի նոյեմբերի 22-ին։ Երկրորդ մասի իրադարձությունները տեղի են ունենում մաքսիմուսի հետ իրադարձություններից ավելի քան երկու տասնամյակ անց, որին առաջին մասում մարմնավորել է Ռասել Քրոուն։ 

Թարգմ․ Ժաննա Պողոսյան