Հայտնի է դարձել՝ Բայդենն ի՞նչ է ասելու Թրամփի հետ հանդիպման ժամանակ

Բայդենը Թրամփի հետ հանդիպմանը կոչ կանի նրան շարունակել աջակցել Ուկրաինային։

ԱՄՆ նախագահ Ջո Բայդենը նոյեմբերի 13-ին Սպիտակ տանը կընդունի ԱՄՆ-ի ընտրություններում հաղթած Դոնալդ Թրամփին, ամերիկացի առաջնորդը մտադիր է Թրամփին կոչ անել շարունակել աջակցությունը Կիևին, այս մասին հայտնում է ամերիկյան The Wall Street Journal թերթը։

«Նախագահ Բայդենը չորեքշաբթի Սպիտակ տանը ընդունում է Դոնալդ Թրամփին, և լուրեր են շրջանառվում, որ նա նախկին նախագահին կոչ է անելու շարունակել աջակցել Ուկրաինային», ասվում է The Wall Street Journal հրատարակության հաղորդագրության մեջ: 

Ընդ որում, ինչպես գրում է թերթը, Սպիտակ տնից արտահոսքերը վկայում են, որ Թրամփը կարող է հրաժարվել Ուկրաինայի հարցում Բայդենի ամուր քաղաքականությունից:

Մինչ այդ Սպիտակ տան մամուլի քարտուղար Կարին Ժան Պիերը հայտարարել էր, որ նոյեմբերի 13-ին կայանալիք Բայդենի և Թրամփի հանդիպումը Սպիտակ տանը տեղի կունենա լիազորությունների խաղաղ փոխանցման գործընթացի շրջանակներում:       

Թարգմ․ Ժաննա Պողոսյան