Իսրայելի հրետանային ուժերն առաջին անգամ հատել են սահմանը և գործում են Լիբանանի տարածքում

Իսրայելի Լիբանաի տարածք ներխուժելուց հետո առաջին անգամ Իսրայելի բանակի հրետանային կորպուսի ուժերը հատել են սահմանը և գործում են Լիբանանի հարավի տարածքում, գրում է Times of Israel-ը։

Վերջին օրերին, ըստ Իսրայելի պաշտպանության բանակի, 282-րդ հրետանային գնդի 411-րդ գումարտակն իր M-109 ինքնագնաց հաուբիցներով հատել է հյուսիսային սահմանը և սկսել հրթիռակոծել Լիբանանի հարավը՝ հայտարարելով, որ թիրախավորում են լիբանանյան «Հեզբոլլահի» օբյեկտները:

Իսրայելական բանակը պնդում է, որ մեծացնում է իր հրետանու հեռահարությունը և թույլ է տալիս ավելի լավ աջակցել ցամաքային զորքերին, որոնք կռվում են Լիբանանի հարավում:

Ըստ Իսրայելի պաշտպանության բանակի տվյալների, սեպտեմբերի վերջին սկսված ցամաքային ներխուժումից ի վեր, 282-րդ գումարտակը Լիբանանի հարավում հրետակոծել է «Հեզբոլլահի» հազարավոր օբյեկտներ, ներառյալ զենքի պահեստները, հրամանատարական կենտրոնները և հրթիռների արձակման հարթակները, և ոչնչացրել շարժման հարյուրավոր զինյալների։

Աղբյուր` news.am