Համացանցի օգտատերերն սկսել են վախենալ ճամպրուկներից ֆիլմի պատճառով

X սոցիալական ցանցի օգտատերերն սկսել են վախենալ սովորական ճամպրուկներից՝ Netflix-ի նոր՝ «Ուղեբեռ» ֆիլմի սյուժեի պատճառով, գրում է New York Post-ը։

Գեղարվեստական ​​ֆիլմը, որում գլխավոր դերակատարներն են Ջեյսոն Բեյթմանը և Թեոն Էջերթոնը, պատմում է օդանավակայանի անվտանգության աշխատակցի մասին, ում հետ կապ է հաստատում մի անհայտ անձ։ Վերջինս պահանջում է, որ օդանավ մտնեն վտանգավոր բեռները, հակառակ դեպքում՝ ողջ օդանավակայանը կհայտնվի վտանգի տակ։ Ընդ որում, ճամպրուկի վրա, որի մասին խոսքը գնում է, կարմիր ժապավենով նշան է արված։

Համացանցի օգտատերերից մեկը կարմիր ժապավենով նմանատիպ ուղեբեռի լուսանկար է հրապարակել և խուճապ առաջացրել այլ ճանապարհորդների շրջանում: «Եթե սա տեսնեմ օդանավակայանում, անմիջապես կչեղարկեմ թռիչքս», «Ես դիտել եմ ֆիլմը, ունեմ հետտրավմատիկ սթրեսային խանգարում», «Օդանավակայանում գտնվողների համար արդեն ուշ է»,- գրել են օգտատերերը։