Գիտնականները սովորել են բուժել ձկան ատամները

Օկինավայի գիտության և տեխնոլոգիաների ինստիտուտի ճապոնացի գիտնականները նորարարական մեթոդ են մշակել, որը թույլ է տալիս մանրակրկիտ հետազոտել կենդանի ձկների և այլ ողնաշարավորների ատամները՝ առանց նրանց վնասելու։ Այս մեթոդը կարող է օգտագործվել ինչպես կենդանի օրգանիզմների, այնպես էլ թանգարանային նմուշների ուսումնասիրության համար։ Աշխատանքը հրապարակվել է Journal of Morphology (JM) ամսագրում։

Մեթոդը հիմնված է ատամնաբուժության մեջ օգտագործվող տեխնոլոգիաների հարմարեցման վրա։ Գործընթացը սկսվում է ձկան անզգայացումից, որից հետո նրա ատամները չորացնում և մաքրում են հատուկ նյութով։ Այնուհետև ցածր մածուցիկության սիլիկոն է կիրառվում մանրամասն ուսումնասիրության համար: Պրոցեդուրան տևում է ընդամենը 5-10 րոպե։

«Մեր տեխնոլոգիան հատկապես օգտակար է թանգարանների անձնակազմի և կենսաբանների համար, ովքեր ուսումնասիրում են կենսաբազմազանությունը», - ասել է ուսումնասիրությունը ղեկավարող պրոֆեսոր Լորեն Սալենը:

«Մենք կարող ենք անվտանգ և ծախսարդյունավետ ուսումնասիրել ատամի կառուցվածքը՝ ստանալով մանրամասներ, որոնք նախկինում անհասանելի էին»,-ասել է պրոֆեսորը: