Տարբեր տեսակի ու մեծ քանակի թմրամիջոցներ. Մալաթիայի համայնքային ոստիկանների բացահայտումը (տեսանյութ)
ՏեսանյութերՄալաթիայի բաժնի համայնքային ոստիկանները դեկտեմբերի 17-ին ստացել էին տեղեկություն, որ 24-ամյա մի երիտասարդ ապօրինի պահում է մարտական ատրճանակ:
Կազմված փաստաթղթերը փոխանցվել էին քննչական բաժին, որտեղ նախաձեռնվել էր քրեական վարույթ։
Դեկտեմբերի 20-ին համայնքային ոստիկանները, Մալաթիայի քննչական բաժնի ծառայողների հետ, դատարանի որոշմամբ խուզարկություն են կատարել 24-ամյա երիտասարդի փաստացի բնակության վայրում։ Հայտնաբերվել են ներարկիչներ՝ կիսով չափ լցված հերոինի նմանվող զանգվածով, պլաստիկ տարա՝ կիսով չափ լցված մեթադոնի նմանվող զանգվածով, ապակյա տարա՝ 46 գրամից ավելի բյուրեղանման զանգվածով, պոլիէթիլենային տոպրակ՝ սպիտակ բյուրեղանման զանգվածով, 7 գրամից ավելի կրիստալի նմանվող բյուրեղանման զանգված, հերոինի նմանվող, ինչպես նաև՝ տարբեր քաշերի դեղնականաչավուն զանգվածներ։
Երիտասարդի մոտ հայտնաբերվել են դեղնականաչավուն զանգված և էլեկտրոնային կշեռքներ։
Կազմված փաստաթղթերը փոխանցվել են քննչական բաժին։
Երիտասարդը կալանավորվել է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
