Զամբիայում հարբած ոստիկանն ազատ է արձակել բանտարկյալներին՝ Նոր տարին նշելու համար
Այլ
Զամբիայում հարբած ոստիկանը կալանքից ազատել է 13 կասկածյալի, որպեսզի նրանք դուրս գան փողոց և դիմավորեն Նոր տարին։ Նույն օրը նա ինքն է հայտնվել խցում՝ պաշտոնեական լիազորությունները չարաշահելու մեղադրանքով։
Զամբիայի ոստիկանական ծառայության մամուլի հաղորդագրության մեջ ասվում է, որ տեսուչ Տիտուս Ֆիրին «հարբած վիճակում ստիպողաբար վերցրել է խցերի բանալիները ենթականերից»: «Ֆիրին այնուհետև բացել է տղամարդկանց և կանանց խցերը ու հրամայել կասկածյալներին հեռանալ՝ ասելով, որ նրանք ազատ են նշելու Նոր տարին», - նշվում է ոստիկանության հայտարարության մեջ, որը մեջբերում է CNN-ը:
Ոստիկանությունը հետախուզում է սկսել 13 կալանավորների նկատմամբ, ովքեր ազատության մեջ են և Ամանորի տոնակատարություններից հետո չեն վերադարձել իրենց խցերը։ Նրանցից ոմանց մեղադրանք է առաջադրվել զինված հարձակման, կողոպուտի և գողության, ինչպես նաև այլ հանցագործությունների համար։ Զամբիայի ոստիկանական ծառայության հայտարարության մեջ ասվում է, որ «կոշտ միջոցներ կձեռնարկվեն ցանկացած սպայի դեմ, ով չարաշահում է իր լիազորությունները կամ գործում է օրենքին հակառակ»:
ՈՒՂԻՂ ԵԹԵՐ
Ամենադիտված 
Ֆրանսիայում բացահայտել են Մակրոնի անսպասելի կախվածությունը
