ԱՄՆ-ն լրացուցիչ զորքեր կուղարկի Մեքսիկայի սահման

Սպիտակ տան մամուլի քարտուղար Քերոլին Լիվիթը NBC News-ին ասել է, որ Թրամփի վարչակազմը նախատեսում է լրացուցիչ զորքեր ուղարկել Մեքսիկայի սահման՝ ի հավելումն արդեն ճանապարհին գտնվող 1500-ի։

«Ինչպես գիտեք, շատ բան պահանջում է Կոնգրեսի ֆինանսավորում, ինչի մասին նախագահը բացահայտ խոսել է: Նախագահը հրաման է ստորագրել՝ ազգային անվտանգությունը պաշտպանության նախարարության առաքելության հիմնական մասը դարձնելու համար, և դուք տեսնում եք, որ այդ գործողություններն արդեն տեղի են ունենում»,- ասել է նա:

Լիվիթը նաև ասել է, որ իրեն ոչինչ հայտնի չէ այն մասին, թե նախագահը խոսել կամ հանդիպել է հունվարի 6-ի անկարգությունների մասնակիցներից որևէ մեկի հետ, ում նա ներում է շնորհել: