ՌԴ-ում 9-ամյա աղջկա անհետանալուց հետո գործ է հարուցվել

Քննիչները քրեական գործ են հարուցել Կուրսկի մարզի Ժելեզնոգորսկ քաղաքում աշակերտուհու անհետ կորելուց հետո սպանության հոդվածով։

Այս մասին հունվարի 23-ին հայտնել է ՌԴ Քննչական կոմիտեի մարզային վարչության մամուլի ծառայությունը։

«Քրեական գործ է հարուցվել ՌԴ ՔՕ 105-րդ հոդվածի հատկանիշներով (սպանություն)՝ անչափահասի անհետացման դեպքի առթիվ»,-Lurer.com-ի հաղրդմամբ ասվում է գերատեսչության Telegram ալիքում։

Նրանք նշել են, որ երեխայի որոնողական աշխատանքները շարունակվում են։ Աշխատանքում ներգրավված են ՌԴ Քննչական կոմիտեի Կուրսկի շրջանի դատաբժշկական բաժնի քննիչներն ու աշխատակիցները։ Դեպքի բոլոր հանգամանքները պարզվում են։

Ըստ քննության վարկածի՝ 9-ամյա աշակերտուհին հունվարի 22-ին դուրս է եկել ընկերուհու հետ զբոսնելու նշվում է, որ աղջիկները զբոսնել են Ժելեզնոգորսկում, այնուհետև գնացել են անհետացած աղջկա ընկերուհու տուն:

«Որոշ ժամանակ անց անչափահասն անհետացել է անհայտ ուղղությամբ, որից հետո նա տուն չի վերադարձել»,- նշել են ՌԴ Քննչական կոմիտեի Կուրսկի շրջանային վարչությունից։

Իրավապահները և կամավորները փնտրում են Ժելեզնոգորսկում հայտնված աղջկան։ Ինչպես հայտնել են ՌԴ ՆԳՆ Կուրսկի շրջանի գլխավոր վարչությունից, հունվարի 23-ին ավելացվել է որոնողական խմբերի թիվը։ Որոնողական աշխատանքները համակարգելու համար ստեղծվել է օպերատիվ շտաբ։